ئیستانبوڵ - AA

لە ئەنجامی هێرشێکی ئێراندا بۆ سەر بەحرەین، دامەزراوەیەکی نەوت لە ناوچەی مەعامیر کرایە ئامانج کە وەک ناوچەیەکی پیشەسازی و شوێنی کۆمپانیای نەوتی بەحرەین (BAPCO) ناسراوە، و بەهۆیەوە ئاگر کەوتەوە.

ئاژانسی فەرمیی بەحرەین (BNA)، بە پشتبەستن بە ڕاگەیاندراوێکی نووسینگەی نیشتمانیی پەیوەندییەکان، زانیاری لەسەر هێرشەکە بڵاوکردەوە.

لە ڕاگەیاندراوەکەدا ئاماژە بەوە کراوە دامەزراوەیەکی ناوچەی مەعامیر کە کۆمپانیای نەوتی وڵاتەکەی لێیە، لە هێرشێکی ئێراندا کراوەتە ئامانج.

لە ڕاگەیاندراوەکەدا باس لەوە کراوە ئاگر لە دامەزراوەکە کەوتووەتەوە و زیانی ماددی بەرکەوتووە.

هەروەها باس لەوە کرا هێرشەکە هیچ زیانێکی گیانی نەبووە و بەرپرسان سەرقاڵی کۆنتڕۆڵ کردنی ئاگرەکەن.