خۆپیشاندانەکانی کەناری رۆژئاوا لە پێناو قودس

رامەڵڵا – AA

لە میانی ئەنجامدانی خۆپیشداندان لە چەند ناوچەیەکی کەناری رۆژئاوای داگیرکراو دژی بڕیاری ناساندی قودس بە "پایتەختی ئیسرائیل" لە لایەن ئەمریکاوە، سێ فەڵەستینی لە لایەن سەربازانی ئیسرائیلەوە دەستگیرکران.

لە بەرامبەر خۆپیشاندان و سووتاندنی تایە لە لایەن فەڵەستینییەکان لە شاری بەیت لەحم، سەربازانی ئیسرائیلی بە گوللـەی پلاستیکی و گازی فرمێسکڕێژ ویستیان کۆتایی بە خۆپیشاندانەکە بهێنن. هەروەها سێ هاووڵاتیی فەڵەستینیشیان دەستگیرکرد کە لە نێویاندا ئەندامی ئەنجوومەنی شۆڕشی جوڵانەوەی رزگاری، حەسەن فەرەج-یش هەبوو.

لە کاتی ئەنجامدانی خۆپیشاندانەکان لە شارەکانی خەلیل، رامەڵڵا، ئەلبیرە و کاڵکیلیە بەریەککەوتن لە نێوان فەڵەستینییەکان و سەربازانی ئیسرائیل روویدا.