ئیستانبوڵ - AA

حکوومەتی ئیسرائیل ڕێککەوتنی ئاگربەستی لە غەززە بەپێی پلانی سەرۆکی ئەمریکا، دۆناڵد ترەمپ پەسەند کرد.

بەپێی ڕاگەیاندراوێکی نووسینگەی سەرۆکوەزیرانی ئیسرائیل، کابینەی ئیسرائیل گفتوگۆی سەبارەت بە ڕێککەوتنی ئاگربەست لە غەززە کردووە.

حکوومەت بە سەرۆکایەتی سەرۆکوەزیران، بنیامین ناتانیاھو ڕێککەوتنی کۆتاییھێنان بە جەنگ لە غەززە و گەڕاندنەوەی گشت دیلە ئیسرائیلییەکانی پەسەند کرد.

لە ھەواڵێکدا کە لە میدیاکانی ئیسرائیل بڵاوکراوەتەوە، ئاماژە بەوە کراوە کۆبوونەوەی کابینەی حکوومەتەکە بە بەشداری نوێنەری تایبەتی سەرۆکی ئەمریکا، دۆناڵد ترەمپ بۆ کاروباری ڕۆژھەڵاتی ناوەڕاست، ستیڤ ویتکۆف و زاوای ترەمپ و ڕاوێژکاری پێشووی، جارید کوشنەر ئەنجامدراوە.