ئەنقەرە - AA

سەرۆکی ئەمریکا، دۆناڵد ترەمپ کەناڵەکانی تەلەڤیزیۆنی ABC و NBC بە "بەرهەمهێنانی هەواڵی ساختە " تۆمەتبار کرد و ئاماژەی بەوە کرد پێویستە مۆڵەتی پەخشی کەناڵەکان هەڵبوەشێندرێتەوە.

ترەمپ لە هەژماری خۆی لە تۆڕی کۆمەڵایەتی، ئاماژەی بەوە کرد کەناڵەکانی ABC و NBC زۆربەی کات هەواڵی نەرێنیی لە بارەی سەرۆکایەتییەکەی بڵاودەکەنەوە.

سەرۆکی ئەمریکا ترەمپ، تۆمەتی "بەرهەمهێنانی هەواڵی ساختە"ی خستە پاڵ کەناڵەکانی ABC و NBC کە وەک "دوو لە خراپترین و لایەنگرترین کەناڵەکانی مێژوو" ناوزەندی کردن و و، ڕایگەیاند: "سەرەڕای ئەوەی ناوبانگێکی زۆر بەرزی هەیە و بەپێی بۆچوونی زۆر کەس (ماوەی ئەرکەکەی) یەکێکە لە گەورەترین هەشت مانگەکەی مێژووی سەرۆکایەتی، دوو لە خراپترین و لایەنگرترین کەناڵی مێژوو ABC و NBC هەواڵی ساختە، سەدا ٩٧ هەواڵی خراپ لە بارەی من بڵاودەکەنەوە".

ترەمپ بانگەشەوەی ئەوەی کرد ئەم کەناڵانە لە ئەمریکا وەک "باڵێکی پارتی دیموکراتەکان" کار دەکەن و، پێویستە لەلایەن کۆميسیۆنی فیدراڵی پەیوەندییەکان (FCC)ەوە مۆڵەتی پەخشیان هەڵبوەشێندرێتەوە.