ئەنقەرە - AA

نوێنەری تایبەتی ئەمریکا بۆ کاروباری ڕۆژهەڵاتی ناوەڕاست، ستیڤ ویتکۆف ئاماژەی بەوە کرد کە ترەمپ ئەمڕۆ لە کۆشکی سپی سەرۆکایەتی کۆبوونەوەیەکی فراوان دەکات، کە تیایدا پلانی دوای جەنگ بۆ غەززە تاوتوێ دەکرێت.

سەبارەت بەو پرسە، ویتکۆف بۆ کەناڵی فۆکس نیوزی ئەمریکی دووا.

لە وەڵامی پرسیارێکدا سەبارەت بەوەی ئایا هیچ پلانێکیان بۆ غەززە هەیە یان نا، ویتکۆف باسی لەوە کرد کە ئەمڕۆ لە کۆشکی سپی کۆبوونەوەیەکی فراوان دەربارەی ئەم بابەتە ئەنجام دەدەن کە ترەمپ سەرۆکایەتی دەکات.

ویتکۆف ئەوەیشی خستەڕوو کە لە چوارچێوەی کۆبوونەوەکەدا "پلانی دوای جەنگ" بۆ غەززە تاوتوێ دەکرێت و، پلانی فراوانی بۆ دادەڕێژن و، گوتی: "پێمان وایە بە شێوەیەک لە شێوەکان ئەمە چارەسەر دەکەین و بە دڵنیاییەوە پێش کۆتایی ساڵ دەگەینە ئەنجام".

لە لایەکی دیکەوە، چاوەڕوان دەکرێت ئەمڕۆ وەزیری دەرەوەی ئەمریکا، مارکۆ ڕوبیۆ لە واشنتۆن پێشوازی لە هاوتا ئیسرائیلییەکەی گیدۆن سار بکات و، کۆبوونەوەکانی نێوانیان تیشک بخاتە سەر غەززە.