Mohammed Baqi Hussein
14 شوبات 2017•نوێکردنەوە: 15 شوبات 2017
حكوومهتی بەریتانیا ئهو داواكارییهی رهتكردهوه كه دژی سهردانی سهرۆكی ئهمریكا، دۆناڵد ترهمپ بهواژووی یەک ملیۆن و 855 ههزار کەسەوە پێشكهشی پهرلهمانی ئهو وڵاته كرابوو.
وهزارهتی دهرهوهی بەریتانیا بهناوی حكوومهتهوه وهڵامی داواكارییهكهی دایهوه و رایگهیاند: "حكوومهت بۆچوونی بههێزی ئهوانهی داواكارییهكهیان واژووكردووه بهههند وهردهگرێت، بهڵام پشتگیریی داواكارییهكهیان ناكات".
روونكردنهوهكهی وهزارهتی دهرهوه له بهشی داواكارییهكانی ماڵپهڕی پهرلهمانی بەریتانیا بڵاوكرایهوه و تێیدا هاتووه "ههر ئهوهندهی كاتهكه دیاری كرا و دوا ئامادەکارییەکان ئهنجامدران، چاوهڕوانی سهردانهكهی سهرۆك ترهمپ دهكهین".
ههروهها له روونكردنهوكهدا ئاماژه به گرنگیی سهردانهكه و کاریگەری لەسەر پهیوهندییهكانی ئهمریكا و بەریتانیا كراوه.
