جيهان
لە غەززە حەوت کەسی دیکە بەھۆی برسییەتییەوە گیانیان لەدەستدا
وەزارەتی تەندروستیی فەڵەستین لە کەرتی غەززە ڕایگەیاند، ژمارەی ئەو فەڵەستینییانەی کە لە مانگی تشرینی یەکەمی ساڵی ٢٠٢٣وە تا ئێستا بەھۆی برسییەتییەوە لە کەرتی غەززە گیانیان لەدەستداوە، بەرزبووەتەوە بۆ ١٥٤ کەس.
Zana Natık Kerem |
30.07.2025 - نوێکردنەوە : 31.07.2025
Arbil
غەززە ــ AA
وەزارەتی تەندروستیی فەڵەستین لە کەرتی غەززە، گیانلەدەستدانی حەوت کەسی دیکەی بەھۆی برسییەتییەوە لە کەرتی غەززە، ڕاگەیاند.
وەزارەتەکە لە ڕاگەیاندراوەکەدا ئاماژەی بەوەداوە لە میانی ٢٤ کاتژمێری ڕابردوودا، حەوت کەسی دیکە بەھۆی برسییەتییەوە لە کەرتی غەززە، گیانیان لەدەستداوە.
باسی لەوەش کردووە ژمارەی ئەو فەڵەستینییانەی کە لە مانگی تشرینی یەکەمی ساڵی ٢٠٢٣وە تا ئێستا بەھۆی برسییەتییەوە لە کەرتی غەززە گیانیان لەدەستداوە، بەرزبووەتەوە بۆ ١٥٤ کەس کە لەنێویاندا ٨٩ منداڵ ھەن.
