واشنتۆن ــ AA

سەرۆکی ئەمریکا، دۆناڵد ترەمپ ڕایگەیاند کە دانوستانەکان لەبارەی ئاگربەست لە غەززە ئەرێنین و بە خێرایی بەرەوپێش دەچن.

دۆناڵد ترەمپ لە ھەژماری خۆی لە تۆڕی کۆمەڵایەتی "Truth Social، نووسیوویەتی: "لە کۆتایی ئەم ھەفتەدا، گفتوگۆیەکی زۆر ئەرێنی لەگەڵ حەماس و وڵاتانی جیھان (عەرەب و موسڵمان و وڵاتانی دیکە) ئەنجامدرا، ئەوەش بە ئامانجی ئازادکردنی بارمتەکان (بەدیلگیراوە ئیسرائیلییەکان) و کۆتاییھێنان بە شەڕ لە غەززە و لە ھەمووی گرنگتر ئەوەیە کە ھەوڵێکی زۆر خراوەتەگەڕ بۆ بەدیھێنانی ئاشتی لە ڕۆژھەڵاتی ناوەڕاست".

ڕاشیگەیاندووە: "لەئیستادا، دانوستانەکان لەبارەی ئاگربەست لە غەززە ئەرێنین و بە خێرایی بەرەوپێش دەچن و ئەمڕۆ دووشەممە شاندەکانی دانوستانکار لە میسر کۆدەبنەوە بۆ تاوتوێکردنی وردەکارییەکانی کۆتایی پلانی کۆتاییھێنان بە شەڕ لە غەززە".

ھەروەھا سەرۆکی ئەمریکا، دۆناڵد ترەمپ لە بەردەم کۆشکی سپی بە ڕۆژنامەوانانی ڕایگەیاند کە وڵاتانی ئیسلامی و عەرەبی، ھەروەھا وڵاتانی دیکە بەشدارییەکی باش" لە دانوستانەکان لەبارەی ئاگربەست لە غەززە، دەکەن.