Futbollisti francez Ribery i bashkohet Fiorentinës
Franck Ribery ka kompletuar transferin e tij në klubin italian Fiorentina
Ankara
Klubi italian i futbollit Fiorentina sot ka njoftuar nënshkrimin e lojtarit të lirë francez Franck Ribery, transmeton Anadolu Agency (AA).
''ACF Fiorentina me kënaqësi njofton nënshkrimin e Franck Ribery", thuhet në kumtesën e klubin nga Seria A.
Nga klubi njoftojnë se Ribery do të zyrtarizohet të enjten në stadiumin "Artemio Franchi".
Përfaqësuesi francez u nda nga klubi i Bundesligës, Bayern Mynih, në fund të sezonit të kaluar pasi kaloi 12 sezone me klubin gjerman.
Ai fitoi nëntë tituj në Bundesligë, gjashtë kupa të Gjermanisë, si dhe titullin e Ligës së Kampionëve UEFA në vitin 2013.
Lojtari anësor 36-vjeçar ka shënuar 124 gola dhe ka dhënë 182 asiste në 425 ndeshje për klubin nga Bundesliga.
Para se t'i bashkohej Bayernit, Ribery gjatë karrierës së tij ishte pjesë e ekipeve Boulogne, Ales, Brest, Metz, Marseille dhe klubit turk Galatasaray.
Ribery shënoi 81 paraqitje për përfaqësuesen franceze dhe shënoi 16 gola për shtetin e tij.
Ai ishte pjesë e ekipit të Francës gjatë Kampionatit Botëror FIFA 2006 në Gjermani, ku ekipi i tij ishte i dyti, pasi u mund në penalti në finale nga Italia me rezultatin 5-3.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.