Ugandë, 40 të vdekur nga rrëshqitja e tokës

KAMPALA (AA) – Të paktën 40 persona e kanë humbur jetën nga rrëshqitja e tokës në Ugandë, transmeton Anadolu Agency (AA).

Mediumet e vendit raportuan se shumë shtëpi dhe biznese kanë ngelur nën dhe si pasojë e rrëshqitjes së tokës të shkaktuar nga reshjet intensive në rajonin Bududa në lindje të vendit.

Rrëshqitja e tokës ka shkaktuar rënie të shkëmbinjve të mëdhenj. Deri më tani, janë nxjerrë kufomat e 40 personave.

Autoritetet janë shprehur të shqetësuar për rritje të mundshme të numrit të viktimave.