Tajlanda zbulon klastër të ri të COVID-19

Tajlanda ka zbuluar një klaster të ri rastesh të koronavirusit të ri (COVID-19) në provincën bregdetare të vendit pranë kryeqytetit Bangkok, transmeton Anadolu Agency (AA).

Sipas një njoftimi qeveritar, pas disa muajsh të raportimit të numrit të ulët të rasteve me COVID-19, vendi së fundmi raportoi 382 raste të reja në 24 orët e fundit, nga 576 raste të regjistruara një ditë parë.

Shumica e infeksioneve të reja u zbuluan tek punëtorët migrantë nga Mianmari fqinjë, të cilët punojnë në tregun e prodhimeve të detit Samut Sakhon.

Numri i rasteve në të gjithë vendin ka arritur në gjithsej 5.289, përfshirë 60 viktima që nga fillimi i shpërthimit.

Qeveria po ashtu ka nisur testime masive në Samut Sakhon pasi u raportuan raste të reja nga tregu.

Autoritetet shëndetësore po ashtu kanë mbyllur zonën, duke ndaluar njerëzit të lëvizin.