Biden: SHBA-ja mund të plotësojë boshllëkun e eksporteve bujqësore të Ukrainës

Presidenti i SHBA-së, Joe Biden tha se bota ka bllokuar furnizimin e rëndësishëm të ushqimit për shkak të luftës në Ukrainë, transmeton Anadolu Agency (AA).

Biden vizitoi një fermë në shtetin Illinois për të folur për rëndësinë e prodhimit vendas.

Ai theksoi se derisa SHBA-ja po lufton me rritjen e inflacionit në vend, ajo është e interesuar për luftën e Ukrainës jashtë vendit. "Lufta në Ukrainë ndërpreu burimet më të rëndësishme ushqimore në botë", tha presidenti amerikan.

Biden tha se Ukraina është prodhuesi më i madh i grurit në botë dhe se 20 milionë tonë drithë aktualisht në depot e saj nuk mund të arrijnë në vendet në nevojë për shkak të Rusisë.

Duke nënvizuar se vendet e G7 do të përpiqen të rrisin rezervat e tyre të plehrave në të gjithë botën, Biden tha se "SHBA-ja mund të mbushë deficitin e eksporteve bujqësore të Ukrainës".