Maqedoni e Veriut, 26 viktima dhe 1.908 raste të reja me COVID-19

Maqedonia e Veriut gjatë 24 orëve të fundit ka regjistruar 1.908 raste të tjera me koronavirusin e ri (COVID-19), si dhe 26 viktima, transmeton Anadolu Agency (AA).

Sipas të dhënave të Ministrisë së Shëndetësisë, numri i përgjithshëm i rasteve të konfirmuara me koronavirus në vend ka arritur në 265.101, ndërsa ai i viktimave në 8.338.

Vendi po ashtu regjistroi 1.129 pacientë të tjerë që fituan betejën kundër virusit COVID-19, duke e çuar në 239.581 numrin e përgjithshëm të tyre.

Që nga shpërthimi i pandemisë, autoritetet shëndetësore të vendit kanë kryer 1.773.325 teste të dyshuara për COVID-19, përfshirë 5.834 teste të kryera brenda ditës së fundit.

Aktualisht numri i rasteve aktive me COVID-19 në Maqedoninë e Veriut është 17.182.