Autoritetet shëndetësore në Kosovë kanë njoftuar se gjatë 24 orëve të fundit një person i infektuar me koronavirusin e ri (COVID-19) ka vdekur, duke bërë që numri i përgjithshëm i viktimave nga ky virus të shkojë në 2.988, transmeton Anadolu Agency (AA).

Bazuar në të dhënat e fundit të Institutit Kombëtar të Shëndetësisë Publike në Kosovë (IKSHPK), vendi ka regjistruar 8 raste të reja me koronavirus, me çka numri i tyre ka shkuar në gjithsej 161.216.

Në 24 orët e fundit në institucionet shëndetësore janë testuar gjithsej 1.742 mostra të dyshuara për COVID-19, derisa deri më tani janë bërë 1.341.423 teste.

Sa i përket numrit të shëruarve, të dhënat kanë njoftuar për 16 të shëruar. Numri i përgjithshëm i të shëruarve deri më tani ka arritur në 157.914, ndërsa numri i rasteve aktive është 314.

Sa i përket procesit të vaksinimit, gjatë 24 orëve të fundit janë dhënë 2.892 doza të vaksinës, ndërsa prej fillimit të vaksinimit në të gjitha qytetet e Kosovës janë dhënë 1.647.674 doza të vaksinës. Deri më sot 773.633 qytetarë janë vaksinuar me dozën e dytë.