Maqedoni, shfuqizohet programi Kembrixh në shkollat e mesme

SHKUP (AA) - Ministria Arsimit dhe Shkencës e Republikës së Maqedonisë informon opinionin se në seancën e Qeverisë, të mbajtur më 7 prill 2017, në pajtim me njoftimet e mëparshme, është marrë vendim me të cilin nga shtatori do të shfuqizohet programi Kembrixh në shkollat ​​e mesme publike, transmeton Anadolu Agency (AA).

Siç thuhet në njoftimin e qeverisë, përcaktimi i saj dhe i Ministrisë së Arsimit dhe Shkencës, është arsimi bashkëkohor dhe programe mësimore me cilësi të lartë për përmirësim të procesit edukativo-arsimor në vend.

Futja e kurrikulave të reja, thuhet në njoftim, kërkon analizë të proceseve, jo vendime të nxituara, që mes tjerash nënkupton përgatitjen e teksteve shkollore duke përdorur terminologjinë e duhur, që janë të qarta dhe të sakta dhe që janë të përshtatshme për sistemin arsimor të vendit.

Nga shkaku i afatit të shkurtër kohor për të siguruar standardet e lartpërmendura dhe për të shmangur situatat e padëshiruara në arsimin e mesëm, qeveria vendosi të shtyjë fillimin e programit të Kembrixhit në shkollat ​​e mesme për vitin shkollor 2018/2019.