Октај: „Никогаш не може да се дозволи волјата на нацијата да биде под закрилата на теророт“
Турскиот потпретседател на својот твитер-профил ја оцени одлуката на Министерството за внатрешни работи за поставување нови луѓе на градоначалничките места во градовите Дијарбакир, Мардин и Ван
АНКАРА (АА) - Потпретседателот на Република Турција, Фуат Октај, истакна дека во рамките на борбата за демократија, неизбежна е интервенцијата во општините кои го поддржуваат тероризмот, пренесува Anadolu Agency (AA).
Октај на својот твитер-профил ја оцени одлуката на Министерството за внатрешни работи на Турција за поставување нови луѓе на градоначалничките места во градовите Дијарбакир, Мардин и Ван.
„Со судски и административни истраги утврдено е дека општинските можности се користат за крвава терористичка организација и затоа направено е тоа што е потребно. Никогаш не може да се дозволи волјата на нацијата да биде под закрилата на теророт,“ напиша Октај.
„Во рамките на нашата борба за демократија, неизбежна е интервенцијата во општините кои го поддржуваат тероризмот“, додава турскиот потпретседател Фуат Октај во врска со денешното разрешување на тројца градоначалници поради вмешаност во терористички активности во корист на терористичката ПКК.
