Esra Tekin
18 Септември 2026•Ажурирано: 18 Септември 2026
Четвртата писта на аеродромот во Истанбул, заедно со дополнителните инвестиции, значително ќе придонесе за глобалната поврзаност на овој голем воздушен центар, изјави денес турскиот претседател Реџеп Таип Ердоган, обраќајќи се на церемонијата по повод отворањето на пистата, јавува Анадолу.
Тој истакна дека воздушниот патнички сообраќај во Турција во првите осум месеци од 2026 година надминал 167,5 милиони патници, што е речиси двојно повеќе од населението на земјата.
„Само во Истанбул, по тековни цени, имаме реализирано вкупно 2,12 трилиони турски лири (43,5 милијарди долари) инвестиции во транспортот и инфраструктурата, вклучително и 604,4 милијарди турски лири (12,4 милијарди долари) во воздушниот транспорт“, рече Ердоган.
Осврнувајќи се на авионската мрежа на Турција, која е една од најразвиените во светот, Ердоган рече дека во изминатите 24 години, за време на владеењето на Партијата на правдата и развојот (АК Партија), бројот на активни аеродроми е повеќе од двојно зголемен, од 26 на 58.
„Заедно со нашиот народ, ја претворивме во реалност Турција која е силна дома, влијателна во регионот и почитувана во светот“, додаде тој.
