Во Сенегал отворен Меѓународен саем за ракотворби, Турција почесен гостин

ДАКАР (АА) – Во Сенегал се одржува Меѓународен саем за ракотворби на кој Турција е почесен гостин, јавува Агенција Анадолија (АА).

Меѓународниот саем за ракотворби кој се одржува во Меѓународниот изложбен центар „Diamniadio“ на 40 километри од главниот град Дакар, го отвори претседателот Меки Сал.

Сал, на отворањето истакна дека односите меѓу Турција и Сенегал се на одлично ниво и изрази задоволство од тоа што Турција е почесен гостин на саемот.

Наведувајќи дека со турскиот претседател Реџеп Таип Ердоган имаат посебно пријателство, Сал рече дека тоа позитивно влијае на односите меѓу двете земји.

Сал, посетувајќи го штандот на Турција, се заинтересира за традиционалната турска уметност Ебру и разгледуваше како се прави тоа.

Рахман Нурдун, заменик-претседателот на Турската агенција за соработка и координација (ТИКА), истакна дека Турција и Сенегал имаат добри односи.

Нурдун, истакнувајќи дека проектите за соработка во областа на културата и туризмот дополнително ќе ги зајакнат односите помеѓу двете земји, рече: „Од срце верувам дека ќе воспоставиме цврста врска од која нашите земји ќе имаат обострана корист и заедничка добивка.“

На саемот каде што свои штандови имаат Институтот „Јунус Емре“, Фондацијата „Маариф“ и Турската агенција за соработка и координација (ТИКА), учествува и Несрин Дуран, како претставничка за Министерството за култура и туризам на Турција.

Несрин Дуран, во изјава за АА рече дека работи со турски традиционални ракотворби и дека тука на саемот се наоѓа за да ги промовира низ многу делови во светот.

На штандот на Турција, која е почесен гостин на саемот, прикажани се традиционалните турски уметности, како што се Ебру, орнаменти, графика, традиционална ткаенина и везење.

Саемот, кој привлече големо внимание, ќе биде отворен до 10 март.