Чавушоглу ја критикуваше Грција поради прекршување на меѓународното право

АНКАРА (АА) - Турскиот министер за надворешни работи, Мевлут Чавушоглу, ја критикуваше Грција која со своите постапки ги суспендира Европската Унија и меѓународното право во врска со мигрантите на своите граници, пренесува Агенција Анадолија (АА).

„Грција, членка на Европската Унија, ги прекрши меѓународното и европското право. Пука на копно и во море врз мигрантите кои побараа засолниште и се однесува нехумано, тонејќи ги нивните бродови и напаѓајќи ги со солзавец. Таа уби три лица и повреди неколку други“, изјави Чавушоглу за германскиот весник „Билд“ (Bild).

„Милиони лица кои се раселени во Сирија доаѓаат на нашите граници. Блискиот Исток е наш сосед и не е многу далеку од Европа, како што мислат Европејците. Овие настани исто така ја погодуваат Европа“, изјави Чавушоглу.

Турските официјални претставници минатата недела изјавија дека нема повеќе да се обидуваат да ги спречат мигрантите до Европа. Оттогаш, илјадници мигранти се собраа во турската област Едрене долж границата со Грција и Бугарија, за да се упатат кон Европа.

- Турција не може сама да го носи товарот -

Чавушоглу сметаше дека е неодговорно и неприфатливо да се каже дека мигрантите не треба да одат во други земји и дека Турција треба да се справи со нив.

„Нашата земја не може да го носи товарот сама. Не е чесно да се гледа ова како закана, уцена или политичко управување од Турција. Ние ја обезбедуваме потребната заштита и поддршка на 4 милиони лица во нашата земја“, изјави Чавушоглу.

Од друга страна, Чавушоглу нагласи дека неговата земја не треба да ги спречува мигрантите кои сакаат да одат во безбедна земја.

Опишувајќи го раселувањето на лицата како „проблем на векот“, тој нагласи дека логична работа е да се реши проблемот кога ќе се појави.

Одлуката на Турција за барателите на азил е донесена откако 34 турски војници беа убиени од страна на силите на режимот на Башар ал Асад во Сирија во Идлиб, северозападна Сирија. Турските војници работеа на заштита на локалните цивили во рамките на Договорот од 2018 година со Русија, според кој се забранети акти на агресија во регионот.

Турција, која веќе е домаќин на околу 3,7 милиони Сиријци, повеќе од која било друга земја во светот, вели дека не може да поднесе уште еден мигрантски бран.

Анкара во неколку наврати се укажа дека Европа не успеала да ги задржи своите ветувања во рамките на договорот од 2016 година, за да им помогне на мигрантите и да ги запре натамошните мигрантски бранови.