Турција

Ердоган на отворањето болница во Истанбул: „Ова е показател на нивото на кое е здравството на Турција"

„Во периодот на пандемијата, кога се срушија здравствените системи на многумина држави, Турција најдобро го искористи постоечките и обезбеди нови ресурси", рече Ердоган

Hatice Şenses Kurukız  | 29.05.2020 - Обновена : 29.05.2020
Ердоган на отворањето болница во Истанбул: „Ова е показател на нивото на кое е здравството на Турција"

ИСТАНБУЛ

Претседателот на Република Турција Реџеп Таип Ердоган присуствуваше на свеченото отворање на новоизградената болница во Санџактепе во Истанбул, јавува Агенција Анадолија (АА).

Ердоган на отворањето на Болницата „Проф. др. Ферих Оз" во Истанбул рече дека таквите болници се најконкретен пример на нивото на кое стигна здравството на Турција.

„Во периодот на пандемијата кога се срушија здравствените системи на многумина држави, Турција најдобро ги искористи постоечките и обезбеди нови ресурси", рече Ердоган.

Истакнувајќи дека за помалку од два месеци е изградена болницата „Проф. др. Ферих Оз", Ердоган рече дека станува збор за болница чии две собри се опремени со се она што е потребно за интензивна нега и како такви се исклучително корисни и за потребите во вонредни ситуации како што е пандемијата Ковид-19.

Ердоган рече дека Турција во текот на пандемијата добила многу барања и излегла во пресрет и им испратила помош на своите пријатели ширум светот.

„Досега добивме барања од повеќе од 190 земји за помош во екот на пандемијата, а ние во повеќе од 90 држави испративме различни видови помош и медицинска опрема", рече Ердоган.

Новоизградената болница во Санџактепе во Истанбул го носи името на професорката и докторката Ферихе Оз која почина од последиците од заразувањето со коронавирусот.

„Ние сме благодарен народ и не ги забораваме оние кои ѝ служат на оваа земја и се жртвуваат за нејзиното добро. Затоа на оваа болница и го дадовме името проф. др. Фериха Оз, а на новоизградената болница во Јешилкој и го дадовме името прод. др. Мурат Дилменер. Така ги овековечивме имињата на нашите професори и лекари кои своите животи ги посветија на лекувањето луѓе и последните денови на животот ги поминаа во борбата против пандемијата", рече Ердоган и потсети дека на неодамна новоизградената болница во Окмејдан и е дадено името проф. др. Џемил Ташчиоглу.

Ердоган им се заблагодари на сите кои придонесоа за брза изградба на модерна болница, вклучувајќи го и ресорниот турски министер Фахрудин Коџа и компанијата „Ronesans" која беше изведувач на работите на две болници, а ги наплати работите за само една, додека работите на другата болница добороволно ги спроведувала со сопствени трошоци.

Властите на Република Турција истовремено изградија две големи болници во истанбулските региони Јешилкој и Санџактепе.

Претседателот на Република Турција Реџеп Таип Ердоган по седницата на кабинетот на 6 април најави изградба на тие две болници во Истанбул, а нивната изградба започна три дена подоцна на локалитетите на аеродромот „Ататурк" и квартот Саригази.

Новоизградените болници имаат капацитет од по 1.008 болнички кревети. Ќе бидат наменети за лекување на жртвите на природните несреќи, како што се епидемиите, земјотреси и други вонредни ситуации.

Секоја од двете болници се простира на површина од 184.000 метри квадратни и содржи 70.000 метри квадратни наткриен простор. Двете болници ја имаат и целокупната потребна инфраструктура со сали за операции, тријажни простории, лаборатории и други соодветни содржини.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.