Mutlu Demirtaştan
17 Јуни 2021•Ажурирај: 18 Јуни 2021
ИСТАНБУЛ
Кошаркарот Ламело Бол од Шарлот Хорнетс е прогласен за дебитант на годината во американската Национална кошаркарска лига (НБА), известува Агенција Анадолија (АА).
Во соопштението што го објави НБА се наведува дека 19-годишниот Бол со просек од 15,7 поени, 6,1 асистенција, 5,9 скока, 1,6 украдени топки постигнати на 51 натпревар е избран за дебитант на годината.
Во овој избор на НБА второпласиран е Ентони Едвардс од Минесота Тимберволвс, додека на третото место се најде Тајрис Халибертон од Сакраменто Кингс.
Во исто време, Ламело Бол е третиот кошаркар од редовите на Шарлот Хорнетс кој ја има освоено оваа титула. Претходно тоа им успеа на Лери Џонсон во сезоната 1991/92 и на Емека Окафор во сезоната 2004/05.
