Handan Kazancı
13 Октомври 2023•Ажурирај: 15 Октомври 2023
БЕЈРУТ (АА) - Израелската употреба на бел фосфор во воените операции во Газа и Либан цивилите ги доведува во опасност да се здобијат со сериозни и долготрајни повреди, предупредија од Хјуман рајтс воч, известува Анадолу.
Хјуман рајтс воч го потврди тоа со видеоснимки направени во Либан и Газа на 10 и 11 октомври 2023 година, на кои се забележува да се извади повеќекратно артилериско гранатирање со бел фосфор на градското пристаниште во Газа и на две рурални локации по должината на израелско-либанската граница, а интервјуирани се и две лица што го опишаа нападот на Газа.
Белиот фосфор, кој може да се користи или за означување, сигнализација и маркирање или како оружје за предизвикување пожари со цел спалување на луѓе и предмети, има значително запаливо дејство што кај луѓето може да предизвика сериозни изгореници и да запали полиња и други цивилни објекти во близина. Со користењето на белиот фосфор во Газа, едно од најгусто населените подрачја во светот, се зголемува ризикот за цивилите и се прекршува меѓународното хуманитарно право со кое се забранува изложување на цивилите на непотребен ризик.
„Секојпат кога белиот фосфор се користи во густо населени цивилни подрачја, претставува висок ризик од нанесување на неподносливи изгореници и доживотно страдање“, изјави Лама Факих, директор на Хјуман рајтс воч за Блискиот Исток и Северна Америка.
