Светската унија на муслимански научници го опиша пожарот во џамијата во Франција како „терористички напад“

ИСТАНБУЛ (АА) - Светската унија на муслимански научници го опиша пожарот во џамијата Рамбује во Франција како „терористички напад“ и го осуди инцидентот, пренесува Агенција Анадолија (АА).

Али Карадаги, генералниот секретар на Светската унија на муслимански научници, во писмената изјава реагираше за џамијата Рамбује, за која се смета дека е запалена и не може да се користи во градот Ивлен, југозападно од Париз, главниот град на Франција.

„Расистичкиот терористички напад на џамијата во предградието на Париз е грозоморно злосторство против светите вредности“, истакна Карадаги.

Нагласувајќи дека за инцидентот се одговорни „расистичките терористи“, генералниот секретар Карадаги предупреди дека „тероризмот го храни теророт“.

Во соопштението, исто така, се повикуваат француските власти да ги заштитат џамиите од напади и да ги спречат растечките антиисламски активности во земјата.

- Што се случи?

На 3 септември избувна пожар во џамијата, која беше привремено изградена во шатор во 2009 година во Ивлен, во регионот Ил-дe-Франс во Париз.

Џамијата, за која се мисли дека е запалена, стана неупотреблива. Министерот за внатрешни работи, Жералд Дарманин, соопшти дека е започната истрага за пожарот во џамијата Рамбује.

Во Франција, каде екстремно десничарските и исламофобичните напади се зголемени во последната година, голем број џамии беа нападнати. Некои од џамиите беа запалени.