Светската организација против тортура реагира на куќниот притвор на тунискиот пратеник

ЖЕНЕВА

Светската организација против тортура (OMCT) реагираше на домашниот притвор на Нуредин ал Бахири, заменик-претседател и пратеник на Движењето „Нахда“ во Тунис, пренесува Агенција Анадолија (АА).

Во писменото соопштение од канцеларијата на OMCT во Тунис се тврди дека на 31 декември 2021 година полицијата влегла во домот на Бахири без законско овластување и потоа го притворила.

Исто така, се наведува дека Бахири не можел да дојде до своите адвокати за време на притворот и дека не му било дадено јасно објаснување за причината за притворот.

„Наводната покана е доставена врз основа на претседателски декрет пред 40 години, без никаква правна основа“, се вели во соопштението.

Меѓу другото, се нагласува дека куќниот притвор на Бахири е „произволен“ и дека „Министерството за внатрешни работи постојано прибегнува кон куќен притвор за да го заобиколи правниот процес“, а од власта на Тунис се бара што поскоро укинување на одлуката за куќен притвор.

- Што се случи?

Во соопштението на 31 декември 2021 година, Движењето „Нахда“ истакна дека „заменик-претседателот и пратеник на Движењето „Нахда“, Нуредин ал Бахири, е киднапиран од безбедносниот персонал во цивилна облека и одведен на непозната локација“.

По инцидентот, адвокатите на Бахири поднесоа кривична пријава против претседателот Кејс Саид и министерот за внатрешни работи, Тевфик Шерафедин.

Од друга страна, министерот за внатрешни работи, Шерафедин, истакна дека им е нареден задолжителен домашен притвор за Бахири и поранешниот функционер во Министерството, Фети ал Белиди, како „осомничени за тероризам“.

Познат како адвокат, Бахири беше министер за правда во периодот 2011 - 2013 година.