Пакистан: Најмалку 26 загинати во индиските ракетни напади

АНКАРА (АА) - Пакистанската Армија соопшти дека во ракетните напади на Индија животот го загубиле 26 лица, додека бројот на ранети изнесува 46, известува Анадолу.

Директорот на Одделот за односи со јавноста на пакистанската Армија, генерал-мајор Ахмед Шериф Чоудри, во соопштението за медиумите изјави дека 26 лица загинале во ракетните напади на Индија, а бројот на ранетите изнесува 46.

Чоудри истакна дека ракетите лансирани од Индија погодиле поголем број локации во Пакистан, нанесувајќи оштетувања на џамиите и здравствените клиники. Тој додаде дека во ракетниот напад врз џамијата во Бахавалпур загинале 13 лица, вклучувајќи жени и деца, а 37 биле ранети.

– Конфликт поради нападите на Индија врз пакистанска територија

Индија, како одмазда за терористичкиот напад на 22 април во Пахалгам, во кој загинаа 26 лица и за кој го обвини Пакистан, на 6 мај изврши ракетни напади врз пакистанските територии и подрачјето на Азад Кашмир, кој е под контрола на Пакистан.

Индиската Армија објави дека успешно погодила 9 цели кои ги квалификува како „терористички структури“, додека Исламабад тврди дека нападите биле насочени против 6 цивилни објекти, во кои животот го загубиле 8 лица, меѓу кои и едно дете, 35 се ранети, а две лица се водат како исчезнати.

Пакистанската Армија соопшти дека за време на нападот на Индија соборила 5 воени авиони на Индија, додека властите во Њу Делхи го демантираа оваа тврдење.