ИСТАНБУЛ (АА) – Ирачкиот премиер Мухамед Шиа ал-Судани денес изјави дека наскоро ќе започне преговори за формирање нова Влада, со оглед на водството на неговата коалиција на парламентарните избори, пренесува Анадолу.

Во телевизиско обраќање, Ал-Судани рече дека неговата Коалиција за обнова и развој е прва на парламентарните избори и „ќе остане така“.

Тој вети дека претстојната влада ќе „служи на сите Ирачани и ќе ги заштити интересите на сите, вклучително и на оние кои одлучија да го бојкотираат гласањето“.

„Ирак им припаѓа на сите и ќе остане за сите“, нагласи тој.

Прелиминарните резултати објавени од изборната комисија покажаа дека коалицијата на Ал-Судани е прва во Багдад со 411.026 гласови.

Комисијата соопшти дека излезноста на гласачите достигнала 56,11 % на национално ниво.