Импресивните оризови полиња во Виетнам привлекуваат голем број посетители

Бескрајните оризови полиња во Меконг Делта, каде што се произведува повеќе од половина од вкупниот ориз во Виетнам, продолжуваат да бидат центар на земјоделското производство во земјата, јавува Анадолу.

Локалните земјоделци, иако сè уште се потпираат на традиционалните рачни техники за одгледување жито, постепено прифаќаат модерни технологии за зголемување на ефикасноста, како што е користењето беспилотни летала.

Покрај тоа што претставува главен столб на земјоделството во Виетнам, Меконг Делта е и атрактивна туристичка дестинација.

Овој регион, кој е познат по живописните пејзажи со реки, канали и зелени оризови полиња, плени со својата убавина и привлекува голем број туристи.

Посетителите можат да ги истражат препознатливите пловечки пазари, да уживаат во возење со чамец низ водните патишта и одблизу да го набљудуваат секојдневниот живот на локалните земјоделци.