Дачиќ по состанокот со Вучиќ: Денес не се реши прашањето за премиер

БЕЛГРАД - Претседателот на Социјалистичката партија на Србија (СПС), Ивица Дачиќ, денес, по состанокот со претседателот на Србија, Александар Вучиќ, изјави дека прашањето за премиер не е решено, јавува Anadolu Agency (AA).

„Денес ништо спектакуларно не е одлучено. Се занимававме со важни политички прашања, глобални теми. Ќе ја продолжиме нашата политичка соработка“, изјави Дачиќ за новинарите пред Претседателството на Србија, и најави дека разговорите за нов премиер ќе продолжат и по 10. јуни.

Дачиќ беше запрашан дали тој ќе биде премиер, но тој ги замоли новинарите да го остават на мир, додавајќи дека договорот за премиер ќе зависи од тоа колку министерски места ќе има СПС во новата Влада на Србија.

Драган Марковиќ, лидер на Единствена Србија, изјави дека нема да гласа за премиер кој не е домаќин, нема деца, не е меѓународно популарен и нема политичко искуство.

„Ако некој не знае како да им помогне на своите деца, како ќе им помогне на граѓаните на Србија?“ праша Марковиќ.

Вучиќ по разговорите со коалициските партнери се сретна со делегација на опозициската Српска радикална партија, од која дел беше заменикот Милутин Бојиќ и синот на СРС, Воислав Шешељ, Александар Шешељ.

Бојиќ изјави дека тие не го дознале името на новиот премиер и дека средбата била кратка, бидејќи е познато дека СРС нема да учествува во прозападната Влада.

За денес се закажани средбите со остатокот од опозицијата, но Демократската партија, Двери, Доста, Социјалдемократската партија и групата предводена од Санда Рашковиќ-Ивиќ најавија дека нема да дојдат за консултации за новиот премиер.