ИСТАНБУЛ (АА) - Во Ирак заробен е Абдулнасир Кардаш, кој беше именуван меѓу наследниците на Ебу Бекр Багдади, убиениот водач на терористичката организација ДЕАШ, пренесува Агенција Анадолија (АА).

За државната ирачка новинска агенција ИНА, безбедносните власти соопштија дека наследникот на Багдади, Кардаш, е заробен како резултат на операцијата организирана од Агенцијата за разузнавање.

Безбедносните власти не споделија подетални информации за тоа каде и како е заробен Кардаш.

Багдади беше убиен во сириската покраина Идлиб, за време на операцијата организирана од САД на 27 октомври 2019 година.