БАГДАД (АА) - Две ракети ги погодија ирачката воздухопловна база Киркук и една куќа доцна синоќа, при што нема жртви и не е предизвикана материјална штета, според ирачки безбедносен извор, јавува Анадолу.

„Една ракета падна помеѓу првата и втората писта на воздухопловната база во Киркук“, соопшти официјалната новинска агенција на Ирак, повикувајќи се на неименуван безбедносен извор.

„Другата погоди куќа во населбата Ал-Оруба во покраината Киркук“, додаде изворот.

Двете ракети беа идентификувани како проектили од типот „Катјуша“.

Досега ниедна група не ја презеде одговорноста за нападот.