Риболовот е главен извор на егзистенција за жителите на Сенегал

СЕНТ ЛУИС (АА) – Сент Луис, крајбрежен град што се наоѓа околу 250 километри северно од главниот град на Сенегал, Дакар, е еден од регионите каде што жителите во голема мера зависат од риболовот за својата егзистенција, јавува Анадолу.

Со население од околу 30.000 жители, градот што се протега на 40 километри покрај атлантското крајбрежје, игра клучна улога во обезбедувањето средства за живот на илјадници луѓе.

За рибарите во Сент Луис денот почнува откако ќе се раздени, кога традиционалните чамци се подготвуваат за испловување.

Со непоколеблива решителност, рибарите влегуваат во водите на Атлантскиот Океан, каде што минуваат долги часови во напорен труд за да обезбедат дневен улов.

По враќањето, уловот се сортира и пакува во сандаци, подготвен за продажба на локалните пазари.

Традиционалниот риболов е столб на економијата на Сенегал, земја со околу 718 километри крајбрежје.

Како втор по големина производител на риба во Африка, илјадници луѓе во Сенегал се потпираат на риболовот како примарен извор на приход.