Во Белгија пронајдено дете кое исчезна пред 20 години

БРИСЕЛ (АА) - Пронајден е Симон Лемби, кој во 1999 година исчезна на 14-годишна возраст и официјално е заведен за „починат“, пренесува Anadolu Agency (AA).

Според вестите објавени во локалните медиуми, момчето пред да исчезне, на своите родители им рекло дека ќе излезе за да гледа телевизија, но Лемби повеќе не се вратил дома. Откако активностите околу неговото пронаоѓање не вродиле со плод, тој во официјалните документи е заведен како „починат“.

Во веста се наведува дека Лемби, кој исчезна во 1999 година на своја 14-годишна возраст, живее во едно место во Европа, кое не се именува.

Се очекува официјалните претставници денес да одржат прес-конференција на таа тема.

Лемби е едно од четирите деца на семејство кое во 1999 година од Ангола мигрирало во Белгија, а една недела подоцна Лемби исчезнал.