بەغدا.. لێدانی زەنگی هۆشداری لە ناوچەی سەوز

بەغدا ــ AA

دوای بیستنی دەنگی زنجیرەیەك تەقینەوە لە نزیك باڵیۆزخانەی ئەمریكا لە ناوچەی سەوز ناوەڕاستی بەغدا، زەنگی هۆشداری لێدرا.

لەوبارەوە ئەفسەر لە پۆلیسی بەغدا، نەقیب ئەحمەد خەڵەف بە ئاژانسی ئانادۆڵوی راگەیاند شەوی رابردوو، دوو گولـلە هاوەن ئاراستەی ناوچەی سەوز كراون.

ئەحمەد خەڵەف ئاماژەی بەوەش كرد كە دوو گولـلە هاوەنەكە لە نزیك باڵیۆزخانەی ئەمریكا لە ناوچەی سەوز كەوتوونەتەخوارەوە، بێ‌ ئەوەی هیچ زیانێكی گیانی لێبكەوێتەوە.

ناوچەی سەوز ناوەڕاستی شاری بەغدا بە ناوچەیەكی گرنگ دادندرێت، بەو پێیەی ژمارەیەك نووسینگە و باڵەخانەی گرنگی گشتی و تایبەت، هەروەها باڵەخانەی نێردە دیپلۆماتییەکانی لەخۆگرتووە لەوانە ئەنجوومەنی نوێنەران، ئەنجوومەنی وەزیران و باڵیۆزخانەی ئەمریكا.