کەرکووک.. کوژرانی فەرماندەیەک لە پۆلیسی فیدراڵ
- لە ئاکامی تەقینەوەی بۆمبێکی چێنراو لە پارێزگای کەرکووک، فەرماندەیەکی فەوج لە پۆلیسی فیدراڵ کوژرا.
Iraq
کەرکووک - AA
لە ئاکامی تەقینەوەی بۆمبێکی چێنراو لە پارێزگای کەرکووک، فەرماندەیەکی فەوج لە پۆلیسی فیدراڵ کوژرا.
ئەفسەری پۆلیس، نەقیب حامد عوبێدی بۆ ئاژانسی ئانادۆڵو گوتی: "ئێوارەی دوێنێ سێشەممە، بۆمبێکی چێنراو بە هێزێکی پۆلیسی فیدراڵدا تەقییەوە لەوکاتەی سەرقاڵی ئەنجامدانی پشکنین بوون لە قەزای داقوق (٤٥ کیلۆمەتر باشووری شاری کەرکووک)".
حامد عوبێدی گوتیشی: "لە ئاکامی تەقینەوەکەدا، فەرماندەی فەوجی یەک لە لیوای ١٦ی پۆلیسی فیدراڵ کوژرا، بەبێ ئەوەی ئاماژە بە ناوەکەی بکات".
کۆتایی ساڵی رابردوو هێزە عێراقییەکان بە پاڵپشتی هاوپەیمانی نێودەوڵەتی دژ بە داعش و دوای سێ ساڵ لە شەڕێکی سەخت دژی رێکخراوی تیرۆریستی داعش تەواوی ئەو رووبەرەیان کۆنتڕۆڵکردەوە کە بە یەک لەسەر سێی خاکی عێراق هەژمار دەکرا کە داعش لە هاوینی ٢٠١٤ کۆنتڕۆڵی کردبوو.