حەشدی شەعبی شەڕی دژبە پێشمەرگە دەستپێکرد
- فەرماندەی پێشمەرگە لە میحوەری کەرکووک، لیوا سالار تەیموور شێخکی : "حەشدی شەعبی دەستپێشخەری شەڕی کرد دژ بە هێزەکانی پێشمەرگە لە شارەدێی ناحیەی تازەی سەربە کەرکووک"
Arbil
کەرکووک - AA
فەرماندەی ھێزەکانی پێشمەرگە لە میحوەری کەرکووک، لیوا سالار تەیموور شێخکی رایگەیاند "چەکدارانی حەشدی شەعبی و سوپای عێراق لە رێگەی تانک و چەکی قورسەوە بۆردوومانی ھێزەکانی پێشمەرگەیان کردووە، پێشمەرگەیش دوای دان بەخۆ گرتنێک وەڵامی بۆردوومانی حەشدی شەعبی و سوپای عێراقی داوەتەوە، لە ئێستادا شەڕ بەردەوامە".
ئەو فەرماندەیەی ھێزی پێشمەرگە بۆ ئاژانسی ئانادۆڵو گوتی: "حەشدی شەعبی دەستپێشخەری شەڕی دژ بە ھێزەکانی پێشمەرگە کرد و لە ئێستا بۆردمانکردنی پێشمەرگە لەلایەن حەشدی شەعبی و سوپای عێراق بەردەوامە و، پێشمەرگە وەڵامی توندییان دەداتەوە".
شێخکی دەڵێت: "فڕۆکەی ھاوپەیمانان بە ئاسمانی ناوچە دەسوڕێنەوە و چاودێری دۆخەکە دەبن".
ئەو فەرماندەیەی پێشمەرگە ئاماژەی بەوەدا کە پێشمەرگە چەندین رۆژە داوای گفتوگۆ دەکات، بەڵام حەشدی شەعبی بەبێ گوێدان بە گفتوگۆ شەڕی ھەڵگیرساند.
