جيهان
کرملین بانگھێشتی سووریا دەکات بۆ بەشداریکردن لە لووتکەی نێوان ڕووسیا و کۆمکاری عەرەبی
گوتەبێژی سەرۆکایەتی ڕووسیا، دیمیتری پێسکۆڤ ڕایگەیاند کە بانگھێشتنامەیەکی فەرمی ئاراستەی سووریا دەکەن، بۆ ئەوەی بەشداری لە یەکەم لووتکەی نێوان ڕووسیا و کۆمکاری عەرەبییدا بکات.
Dmitri Chirciu, Yılmaz Öztürk |
01.07.2025 - نوێکردنەوە : 01.07.2025
Moskova
مۆسکۆ ــ AA
گوتەبێژی سەرۆکایەتی ڕووسیا (کرملین)، دیمیتری پێسکۆڤ کە بانگھێشتنامەیەکی فەرمی ئاراستەی سووریا دەکەن، بۆ ئەوەی بەشداری لە یەکەم لووتکەی نێوان ڕووسیا و کۆمکاری عەرەبییدا بکات.
چاوەڕوان دەکریت لە ١٥ی مانگی تشرینی یەکەمی داھاتوو یەکەم لووتکەی نێوان ڕووسیا و کۆمکاری عەرەبی لە مۆسکۆ بەڕیوەبچێت.
دیمیتری پێسکۆڤ لە لێدوانێکی ڕۆژنامەوانییدا ئاماژەی بەوەداوە کە ڕووسیا پەیوەندییەکانی لەگەڵ ئیدارەی نوێی سووریا دەپارێزێت و لە داھاتووشدا بەردەوام دەبێت.
گوتەبێژی کرملین لە وەڵامی بەشداریکردنی سووریا لە لووتکەی نێوان ڕووسیا و کۆمکاری عەرەب گوتی: "بانگھێشتنامەیەکی فەرمی ئاراستەی سووریا دەکەین، بۆ ئەوەی بەشداری لە لووتکەکەدا بکات".
