ئەنقەرە ــ AA

ڕۆژنامەی نیویۆرک تایمز بڵاوی کردەوە ژمارەی ئەو کەسانەی کە لە ئاکامی ھێرشە ئاسمانییەکەی ڕۆژی ٣ی ئەم مانگەی ئەمریکا بۆ سەر ڤێنیزوێلا کوژراون، بەرزبووەتەوە بۆ ٨٠ کەس.

ڕۆژی ٣ی ئەم مانگە سەرۆکی ئەمریکا، دۆناڵد ترەمپ ڕایگەیاندبوو کە ھێزەکانی دێلتا فۆرس، ئۆپەراسیۆنێکی فراوانیان لە ڤێنیزوێلا ئەنجام داوە و لە میانیدا سەرۆکی ڤێنیزوێلا، نیکۆڵاس مادورۆ و ھاوژینەکەی، سیلیا فلۆرێس دەستگیرکراون.

نیکۆڵاس مادورۆ و ھاوژینەکەی، سیلیا فلۆرێس دوای دەستگیرکردنیان، گواسترانەوە بۆ ئەمریکا.

ڕۆژنامەکە بەپشت بەستن بە بەرپرسێکی باڵای ڤێنیزوێلا بڵاوی کردووەتەوە، ھێرشە ئاسمانییەکەی چەند ڕۆژی ڕابردووی ئەمریکا بۆ سەر کاراکاس پایتەختی ڤێنیزوێلا، زیانی زۆریان بە ئامانجە مەدەنی و سەربازییەکان گەیاندووە.

بە گوتەی بەرپرسە باڵاکەی ڤێنیزوێلا ژمارەی ئەو کەسانەی کە لە ئاکامی ھێرشە ئاسمانییەکەی ڕۆژی ٣ی ئەم مانگەی ئەمریکا بۆ سەر ڤێنیزوێلا کوژراون، لە ٤٠ کەسەوە بەرزبووەتەوە بۆ ٨٠ کەس کە لەنێویاندا ژمارەیەک سەرباز ھەن.