چین ژێردەریایەکەی رادەستی ئەمریکا کردەوە

واشنتۆن - AA

گوتەبێژی وەزارەتی بەرگری ئەمریکا، پیتەر کووک ئاشکرای کرد کە چین ئەو ژێردەریا ئەمریکییەی چوار رۆژ لەمەوبەر دەستی بەسەردا گرتبوو رادەست کردەوە.

کووک تیشکی خستە سەرئەوەی کە چین ژێردەریاییەکەی رادەستی نزیکترین بنکەی سەربازی ئەمریکی کردووە لە ناوچەکە و گوتی: "ئەو رووداوە دوور بوو لە یاساکانی دەریایی و مافە نێودەوڵەتییەکان".

پینتاگۆن راستەوخۆ دوای رووداوەکە داوای لە چین کرد کە ژێردەریاییەکەیان رادەست بکاتەوە و لەبارەی رووداوەکەش لێکۆلینەوەی دەست پێکرد.

گوتەبێژی پنتاگۆن، جێف دەیڤس چوار رۆژ لەمەوبەر ئاشکرای کرد کە چین دەستی بەسەر ژێردەرییاییەکی ئەمریکادا گرتووە لە باشووری وڵاتەکەی کە بەمەبەستی کۆکردنەوەی زانیاری زانستی لە ئەرکدابووە.