پاکستان.. هێرشێک لە هەرێمی پونجاب سێ کوژراوی لێکەوتەوە

ئیسلام ئاباد - AA

لە ئاکامی هێرشێک بۆسەر رێوڕەسمێکی یادی عاشورا لە هەرێمی پونجاب باکووری رۆژهەڵاتی پاکستان، سێ کەس کوژران و ٥٩ی دیکەش برینداربوون.

دوای هێرشەکە کە لە ناوچەی باهاڤالناگار رووی دا، ژمارەیەک گرتەی ڤیدیۆیی لە تۆڕە کۆمەڵایەتییەکاندا بڵاوبوونەوە کە ئەوە نیشان دەدەن ژمارەیەکی زۆر ئەمبوڵانس و ئۆتۆمبێلی پۆلیس چوونەتە شوێنی رووداوەکە و بریندارەکانیش لە کەناری رێگاکە چاوەڕێن بگوێزرێنەوە بۆ نەخۆشخانە.

بەگوێرەی ئامارە بەراییەکان تا ئێستا، سێ کەس کوژراون و ٥٩ی دیکەش برینداربوون.

رابەری شیعەکان لە ناوچەکە، خاوەر شەوکەت هەواڵی هێرشەکەی پشتڕاست کردەوە، بەڵام هیچ وردەکارییەکی لەو بارەیەوە نەخستەڕوو.

ژمارەی دانیشتوانی پاکستان نزیکەی ٢٢٠ ملیۆن کەسە و لەو ژمارەیەش ٢٠ ملیۆنیان شیعە مەزهەبن.