پاكستان.. بە هۆی تەقینەوەیەك ٢٩ پۆلیس بوونە قوربانی

ئیسلام ئاباد ــ AA

لە ئاكامی تەقینەوەی بۆمبێكی چێنراو لە باشووری رۆژئاوای پاكستان، ٢٩ پۆلیس كوژران و بریندار بوون.

بەرپرسانی ئەمنی پاكستان رایانگەیاند كە بۆمبێكی چێنراو بە كاروانێكی هێزەكانی پۆلیس لە ناوچەی ساریاب سەربە شاری كوێتە لە ویلایەتی بەلۆچستان باشووری رۆژئاوای ئەو وڵاتە تەقییەوە.

ئەو بەرپرسانە ئاماژەیان بەوەشدا كە لە ئاكامی تەقینەوەكە، حەوت پۆلیس كوژراون و ٢٢ی دیكەش بریندار بوون.

تا ئێستا هیچ لایەنێك بەرپرسیارێتی خۆی لە ئەنجامدانی تەقینەوەكە رانەگەیاندووە.