ئیستانبوڵ - AA

لە ئاکامی هێرشی ئیسرائیلدا بۆ سەر کەرتی غەززە، پێنج کەس لە کارمەندانی پڕۆژەی هاوکاری کە وەقفی هاوکاری مرۆیی ماف و ئازادییەکانی مرۆڤ IHH لەگەڵ بەرنامەی خۆراکی جیهانیی WFP بەڕێوەی دەبات، گیانیان لەدەستدا و دوو کەسی دیکە بە سەختی برینداربوون.

لە ڕاگەیاندراوێکدا کە لە هەژماری تۆڕی کۆمەڵایەتیی IHHدا بڵاوکراوەتەوە، هاتووە: "لەو پڕۆژەیەی بە هاوبەشی لەگەڵ بەرنامەی خۆراکی جیهانیی لە غەززە بەڕێوەمان دەبرد، پێنج هاوکارمان لە ئەنجامی ئەو هێرشانەی ئیسرائیلی داگیرکەر لە ماوەی دوو ڕۆژی ڕابردوودا ئەنجامی دان، شەهید بوون و دوو هاوکاری دیکەشمان بە سەختی برینداربوون. ئەم هێرشە قێزەونە بە توندی ئیدانە دەکەین کە کارمەندانی بواری هاوکاری مرۆیی کردووەتە ئامانج، ئەوانەی ڕۆژانە گیانفیداییانە هەوڵ دەدەن هاوکاری بگەیەننە خەڵکی ستەملێکراوی غەززە".