ئیستانبوڵ ــ AA

نەتەوە یەکگرتووەکان ڕایگەیاند کە پێویستە ئیسرائیل وەک "دەسەڵاتێکی داگیرکار"، تیمە پزیشكییەکان لە ناوچە داگیرکراوەکانی فەڵەستین بپارێزێت، ھەروەھا ئاسانکاریی بۆ کاری ڕێکخراوە مرۆییەکان لەو ناوچانە بکات.

ئەمڕۆ دووشەممە، دانیشتەکانی دادگای دادی نێودەوڵەتی بۆ تاتوێکردنی پابەندبوونەکانی ئیسرائیل لە ڕووی مرۆییەوە بەرامبەر بە فەڵەستینییەکان، دەستیان پێ کرد کە ماوەی یەک ھەفتە بەردەوام دەبن.

نوێنەری سکرتێری گشتیی نەتەوە یەکگرتووەکان، ئیلانور ھۆمیشۆل لە میانی دانیشتنەکانی دادگاکە، گوتی: "تیمە پزیشكییەکان لە ناوچە داگیرکراوەکانی فەڵەستین بپارێزێت، ھەروەھا ئاسانکاریی بۆ کاری ڕێکخراوە مرۆییەکان لەو ناوچانە بکات".

ڕاشیگەیاند کە ئیسرائیل، پابەندە بەوەی پێدوایستییە سەرەکییە مرۆییەکان بۆ دانیشتووانی ناوچە داگیرکراوەکانی فەڵەستين دابین بکات".

باسی لەوەش کرد کە ئیسرائیل پابەندبوونەکانی بەرامبەر پارێزبەندی تیمەکانی سەربە نەتەوە یەکگرتووەکان لە فەڵەستین پێشێل کردووە و ھۆشداری ئەوەشی دا کە بڕیاری ڕێگریی گرتن لە کارەکانی ئاژانسی نەتەوە یەکگرتووەکان بۆ بەھاناوەچوون و کارپێکردنی پەنابەرانی فەڵەستین (UNRWA)، دەبێتە مایەی فراوانکردنی سەرەوەی ئیسرائیل لەسەر خاکی فەڵەستین لەنێویاندا، قودسی ڕۆژھەڵات.