غەززە ــ AA

لە ئاکامی زنجیرەیەک ھێرش و بۆردومانی سوپای ئیسرائیلدا بۆ سەر چەند ناوچەیەکی کەرتی غەززە، ٢٥ فەڵەستینی کوژران.

شایەتحاڵەکان بە ئاژانسی ئانادۆڵویان ڕاگەیاند کە بەرەبەیانی ئەمڕۆ دووشەممە، سوپای ئیسرائیل زنجیرەیەک ھیرشی کردووەتە سەر شاری غەززە و چەند ناوچەیەکی ناوەڕاست و باشووری کەرتی غەززە.

بە گوتەی شایەتحاڵەکان لە میانی ھێرشەکاندا، ژمارەیەک فەڵەستینی لە بەردەم ناوەندەکانی دابەشکردنی یارمەتییە مرۆیییەکان، ھەروەھا ژمارەیەک خانوو و کەمپی ئاوارە فەڵەستینییەکان لە شاری غەززە و چەند ناوچەیەکی ناوەڕاست و باشووری کەرتی غەززە، لەلایەن سوپای ئیسرائیلەوە بۆردومان کراون.

ھاوکات چەند سەرچاوەیەکی پزیشکی بە ئاژانسی ئانادۆڵویان ڕایگەیاند کە لە ئاکامی ھێرش و بۆردومانەکانی سوپای ئیسرائیلدا، ٢٥ فەڵەستینی کوژراون و ژمارەیەکی دیکەش برینداربوون.