له‌کۆڵۆمبیا فڕۆکه‌یه‌کی نه‌فه‌رهه‌ڵگر که‌وته‌ خواره‌وه‌

بۆگۆتا- AA

له‌کۆڵۆمبیا فڕۆکه‌یه‌کی نه‌فه‌رهه‌ڵگر که‌وته‌ خواره‌وه‌.

به‌پێی روونکردنه‌وه‌یه‌ک که‌ له‌ ئه‌ژماری تایبەتی فڕۆکه‌خانه‌ی نێوده‌وڵه‌تیی مێدێڵین لە تویته‌ر بڵاوکراوه‌ته‌وه‌، ئاماژە بەوە کراوە فڕۆکه‌که‌ کە له‌بۆلیڤیاوه‌ هه‌ستاوه‌ و بڕیاربووه‌ له‌ فڕۆکه‌خانه‌ی مێدێلین بنیشێته‌وه‌ و 72 سه‌رنشینی هەڵگرتووە.

له‌روونکردنه‌وه‌که‌دا ئاماژه‌ به‌وه‌کراوه‌، تیمه‌کانی باری له‌ناکاو و فریاکه‌وتن ره‌وانه‌ی ناوچه‌که‌ کراون.

به‌پێی ئه‌و هه‌واڵانه‌ش که‌ له‌میدیای لۆکاڵییەکانی کۆڵۆمبیادا بڵاوکراونه‌ته‌وه‌، فڕۆکه‌که‌ تیمی فوتبۆڵی چاپێکۆیه‌نسی به‌رازیلی هه‌ڵگرتووه‌.