فەڕەنسا.. هەڵبژاردنی فرانسوا فیلۆن بۆ هەڵبژاردنەکانی سه‌رۆکایەتی

پاریس - AA
له‌ خولی دووه‌می هه‌ڵبژاردنه‌كانی پارتی کۆماری فەڕەنسا بۆ دیاریکردنی کاندیدی پارتەکە بۆ هەڵبژاردنەکانی سه‌رۆكایه‌تی، فرانسوا فیلۆن به‌سه‌ر ركابه‌ره‌كه‌یدا ئالان ژوپێ سه‌ركه‌وت.
به‌پێی ئاماره‌ سه‌ره‌تاییه‌كان، لەکۆی 10 هەزار و 229 سندوقی دەنگدان كه‌ حه‌وت هەزار و 804 سندوق کراونەته‌وە. سەرۆکوەزیرانی پێشووتری فه‌ڕه‌نسا، فرانسوا فیلۆن %68ی دەنگەکانی به‌ده‌ست هێنا، به‌مه‌ش سه‌ركه‌وتنی به‌سه‌ر ركابه‌ره‌كه‌یدا ئالان ژوپێ به‌ده‌ستهێنا كه‌ %32ی ده‌نگه‌كانی به‌ده‌ست هێنا.
فیلۆن كه‌ زیاتر ده‌نگی موحافزكاران و كاسۆلیكه‌كانی به‌ده‌ستهێناوه‌ له‌ڕووی پێشنیازی سیاسییه‌وه‌ به‌گوێره‌ی ئه‌و پۆسته‌ی له‌نێوان ساڵانی 1979-1990 به‌ڕێوه‌ی ده‌برد له‌ سه‌رۆكوه‌زیرانی شانشینی یه‌كگرتوو، مارگرێت تاتچه‌ر ده‌چێت كه‌ له‌ سه‌ده‌ی بیسته‌مدا درێژترین ماوه‌ له‌ ده‌سه‌ڵات مایه‌وه‌.
له‌ یه‌كه‌مین خولی هه‌ڵبژاردن بۆ دیاریكردنی كاندید له‌ناو پارتی كۆماری كه‌ 20ی تشرینی یه‌كه‌م به‌ڕێوه‌چوو، فیلۆن %44.1ی ده‌نگه‌كانی به‌ده‌ست هێنا پله‌ی یه‌كه‌می به‌ده‌ست هێنا، ژوپێ %28.6ی ده‌نگه‌كانی به‌ده‌ست هێنا و بووه‌ دووه‌م، سه‌ركۆماری پێشووی فه‌ڕەنسا، نیكۆلا ساركوزی ئه‌ویش %20.7ی ده‌نگه‌كانی به‌ده‌ست هێنا و بووه‌ سێیه‌م، به‌مه‌ش چووه‌ ده‌ره‌وه‌ی بازنه‌ی هه‌ڵبژاردنی كاندیدی پارته‌كه‌ی. ساركۆزی ئاماژه‌ی به‌وه‌ كردبوو كه‌ لەخولی دووەمدا پشتیوانیی لە فرانسوا فیلۆن دەكات.
هه‌ڵبژاردنی سه‌رۆكایه‌تی له‌ فه‌ڕه‌نسا كه‌ دوو خوله‌، 23ی نیسان و 7ی مایس 2017 به‌ڕێوه‌ده‌چێت.