فڕۆکەیەکی جەنگیی ئیسرائیل پەلاماری کەرتی غەززە دەدات

غەززە ــ AA

فڕۆکەیەکی جەنگیی ئیسرائیل لە میانی زنجیرەیەک پەلاماردا، خاڵێکی لە باکووری کەرتی غەززە بۆردومان کرد، بێ ئەوەی ھیچ زیانێکی لێبکەوێتەوە.

بەپێی ئەو زانیارییانەی کە ئاژانسی ئانادۆڵو لە شایەتحاڵەکانەوە دەستیکەوتووە، فڕۆکەیەکی جەنگیی ئیسرائیل زنجیرەیەک پەلاماری بۆسەر باکووری کەرتی غەززە ئەنجامداوە کە لە میاندا، خاڵێکی سەربە لایەنەکانی فەڵەستینی بۆردومانکردووە.

شایەتحاڵەکان ئاماژەیان بەوەشدا کە لە میانی بۆردومانەکەدا، دەنگی سێ تەقینەوەی بەھێز لە ناوچەکە بیستراون.

زاندراوە کە بۆردومانەکە ھیچ زیانێکی گیانی و ماددی نەبووە.

تا ئێستا سوپای ئیسرائیل ھیچ زانیاری و روونکردنەوەیەکی بڵاونەکردووەتەوە.