سەرۆکی چین و سەرۆکی ئەمریکا کۆبوونەوەیەکی ئۆنلاینیان ئەنجام دا

پەکین - AA

سەرۆکی چین، شی جین پینگ و سەرۆکی ئەمریکا، جۆ بایدن کۆبوونەوەیەکی ئۆنلاینیان ئەنجام دا.

لەو کاتەوەی بایدن هاتووەتە سەر دەسەڵات تەنها دووجار لەگەڵ سەرۆکی چین پەیوەندی تەلەفۆنیی ئەنجامداوە و ئەمە یەکەمجارە لەڕێی ڤیدیۆ کۆنفڕانسەوە ئەو دوو سەرۆکە کۆببنەوە.

بەهۆی ئەوەی چین و ئەمریکا خاوەنی گەورەترین ئابوورین لە جیهاندا، ئەم کۆبوونەوەیەی شی و بایدن لەڕوانگەی پەیوەندییە نێودەوڵەتییەکانەوە بە گرنگ دەبیندرێت.

لە دەستپێکی کۆبوونەوەکەدا شی داوای کرد "پەیوەندییەکی سەقامگیر و بەهێز لەنێوان چین و ئەمریکا دروست بکرێت".

گوتەبێژی وەزارەتی دەرەوەی چین، کاوۆ لیسیان پێش کۆبوونەوەکە لە راگەیەندراوێکدا ئەوەی خستەڕوو کە پەکین ئامانجی دووبارە کاراکردنەوەی پەیوەندییە سەقامگیرەکانییەتی لەگەڵ واشنتۆن.

کۆشکی سپی-یش لە راگەیەندراوێکدا باسی لەوە کرد کە ئەمریکا ئەم کۆبوونەوەیە بە هەل دەزانێت بۆ دیارییکردنی یاساکانی رکابەری لەگەڵ چین.