ئەنقەرە - AA

سەرکۆماری تورکیا، ڕەجەب تەیب ئەردۆغان پەیوەندییەکی تەلەفۆنی لەگەڵ سەرۆکی ڕووسیا، ڤلادیمێر پوتین ئەنجام دا.

بەپێی ڕاگەیاندراوی فەرمانگەی پەیوەندییەکان لە سەرۆکایەتی کۆماری تورکیا، لە پەیوەندییە تەلەفۆنیيەکەدا ئەنجامەکانی لووتکەی ئالاسکا، بابەتی بازرگانیی، پەیوەندییە دووقۆڵییەکانی تورکیا و ڕووسیا تاوتوێ کراون.

سەرکۆمار ئەردۆغان ئاماژەی بەوە کرد لە نزیکەوە چاودێری پێشهاتەکانی پرۆسەی ئاشتیی کردووە و، تورکیا هەر لە سەرەتای جەنگەوە دڵسۆزانە هەوڵی گەیشتن بە ئاشتییەکی دادپەروەرانەی داوە، لەم چوارچێوەیەدا پشتیوانی لەو ڕێبازانە دەکات کە ئامانجیان ئاشتییەکی هەمیشەییە بە بەشداری لایەنەکان.

لە بەرامبەردا سەرۆکی ڕووسیا پوتین ئاماژەی بە پرۆسەی ئیستانبوڵ کرد و سوپاسی سەرکۆمار ئەردۆغانی کرد کە تورکیا میوانداری گفتوگۆکانی ئاشتی کردووە و ئەو هەوڵانەی لەو بارەیەوە خستوویەتەڕوو.

لە پەیوەندیيە تەلەفۆنییەکەدا سەرکۆمار ئەردۆغان و سەرۆکی ڕووسیا پوتین لەسەر ئەوە ڕێککەوتن کە هەردوو وڵات لە دیالۆگدا بن.