ئیستانبوڵ - AA

سوپای ئیسرائیل دەستی بەسەر ئەو کەشتییە داگرت کە ١٢ سەرنشینی هەیە و لە هەوڵدابوو کە گەمارۆ سەر غەززە بشکێنێت و یارمەتییە مرۆییەکان بگەیەنێت.

زنجیرەی کەشتییەکانی هاوپەیمانی ئازادی (Freedom Flotilla Coalition) لە هەژماری خۆی لە تۆڕی کۆمەڵایەتی لەبارەی دۆخی کەشتییەکەیان زانیاری بڵاو کردەوە.

هاوپەیمانییەکە ڕایگەیاندووە کە سوپای ئیسرائیل دەستوەردانی لە کەشتییەکە کردووە و هەر بۆیەش پەیوەندییان لەگەڵ کەشتییەکە پچڕاوە و چالاکانی مەدەنی ناو کەشتییەکەش لە لایەن ئیسرائیلەوە ڕفێندراون.

لە ڕاگەیاندراوەکەدا وێڕای ئاماژەدان بەوە کە کەشتییەکە بە مەبەستی گەیاندنی یارمەتییە مرۆییەکان بۆ خەڵکی فەڵەستین بەڕێ کەوتووە، جەخت لەوەش کراوەتەوە کە بۆ ئازادی چالاکڤانان گوشار بخرێتە سەر وەزیرانی دەرەوەی ئەو وڵاتانە.

شایەنی باسە کەشتی مادلین سەر بە ڕێکخراوێکی کۆمەڵی مەدەنی بە ناوی (Freedom Flotilla Coalition-FFF)یە و لە ١ی حوزەیرانەوە لە بەندەری جان لی کوتی لە شاری کاتانیای ئیتاڵیا بەرەو غەززە بەڕێ کەوتووە.

کەشتی مادلین ١٢ سەرنشینی هەیە و چالاکڤانی سویدی گرێتا تۆنبێرگ و ئەکتەری ئیرلەندی لیام کانینگهام لە کەشتییەکەدان.

ئەو چالاکڤانە مەدەنیانە دەیانەوێت گەمارۆکانی سەر کەرتی غەززە بکشێنن و یارمەتییە مرۆییەکان بگەیەننە غەززە.