بنیامین ناتانیاھو ھێرشی کردە سەر سەرکردەکانی بەریتانیا و کەنەدا و فەڕەنسا
سەرۆکوەزیرانی ئیسرائیل، بنیامین ناتانیاھو بانگەشەی ئەوەی کرد کە سەرکردەکانی بەریتانیا، کەنەدا و فەڕەنسا بە داواکارییەکانیان بۆ وەستاندنی ھێرشەکانی ئیسرائیل بۆ سەر غەززە، خەڵاتێکی گەورە پێشکەش بە ھێرشەکەی ٧ی تشرینی یەکەمی ساڵی ٢٠٢٣، دەکەن.
Gazze
قودس ــ AA
سەرۆکوەزیرانی ئیسرائیل، بنیامین ناتانیاھو ھێرشی کردە سەر سەرکردەکانی بەریتانیا، کەنەدا و فەڕەنسا، بەھۆی ئەوەی داوایان لە ئیسرائیل کردووە کە ھێرش و کۆمەڵکوژییەکانی لە کەرتی غەززە، بوەستێنێت، ئەگەر نا ئەوە ڕێوشوێنی توند بەرامبەر بە ئیسرائیل دەگرنەبە.
بنیامین ناتانیاھو لە ھەژماری خۆی لە تۆڕی کۆمەڵایەتی ئێکس، بانگەشەی ئەوەی کردووە: "سەرکردەکانی بەریتانیا، کەنەدا و فەڕەنسا بەوەی داوایان لە ئیسرائیل کردووە کە کۆتایی بە بە جەنگی بەرگرییکردن لە خۆی بھێنێت و دەوڵەتێکی فەڵەستین دابمەزرێندرێت، خەڵاتێکی گەورە پێشکەش بە ھێرشەکەی ٧ی تشرینی یەکەمی ساڵی ٢٠٢٣، دەکەن".
ڕاشیگەیاندووە: "ئەمە، دەرگا بۆ دڕندەیی زیاتر لەم جۆرە دەکاتەوە".
ھەروەھا نووسیوویەتی: "ئیسرائیل تێڕوانینی سەرۆکی ئەمریکا، دۆناڵد ترەمپی پەسەند کردووە قبوڵ و داوایش لەسەرجەم سەرکردەکانی ئەورووپا دەکەین کە ئەو تێڕوانینەی دۆناڵد ترەمپ پەسەند بکەن".
ھەروەھا بانگەشەی ئەوەی کردووە "ئەگەر ڕفێندراوەکانی دیکە (بەدیلگیراوە ئیسرائیلییەکان) لە غەززە ئازاد بکرێن و حەماس چەک دابنێت و، سەرکردەکانی دووربخرێنەوە و چەک داماڵین لە غەززە ئەنجام بدرێت، ئەوا شەڕ کۆتایی پێ دێت".
دوینێ دووشەممە ھەریەک لە بەریتانیا، فەڕەنسا و کەنەدا داوایان لە ئیسرائیل کرد لە ھێرشەکانی بۆ سەر کەرتی غەززە بوەستێنێت و ھەڕەشەی ئەوەیان کرد ئەگەر ئیسرائیل ھێرشەکانی بۆ سەر کەرتی غەززە نەوەستێنێت، ئەوا ڕێوشوێنی توند دژبە تەل ئەبیب دەگرنەبەر.
